Nuus

Suksesvolle Atletiek-seisoen

WNPS het die meeste atlete by die Worcester Kampioenskappe gehad en ook die kampioenskappe gewen.  WNPS het 47 atlete by die Noord-Boland kampioenskappe gehad.  21 Atlete het aan die Boland Kampioenskappe in die Paarl deelgeneem waarvan 8 Boland kleure verwerf het.  5 Atlete is gekies  om aan die SA Kampioenskappe deel te neem.  Daar het Anel Pienaar (foto) die diskus, meisies 0/13 gewen (goud).  Noeline Rossouw het 'n silwer medalje in die 1500m stap meisies 0/13 gewen.  Lorma Janse van Rensburg het die vyfde plek behaal in die 1500m stap vir meisies 0/13 en Natalie van der Vyver die sesde plek.  Hanro Colling het die vyfde plek in die 1500m stap vir seuns 0/13 behaal.  Volgens die Sasolpuntetabel het Noelien Rossouw die beste  gevaar van al die Weskaap-atlete.

WNPS is trots op hul atlete en afrigters!

Om 'n Noordjie te wees is 'n wees!

Jy vra my wat hou my so jolig hier,
ek verseker jou dis nie net nog 'n gier.
Ons is almal defnitief vasberade hier,
om mekaar se lewens vir die toekoms te versier.
Ouers, onnies en maats, almal saam,
so sal ons die lewe sonder vrees ingaan.
Hier kan ons leer en speel,
alles om die liefde vir kinders gereël.
By die Noordjies kan jy verseker weet,
aan ons skool en maats klou ons soos 'n neut.
Ons help mekaar, in voorspoed en nood, en onthou,
hier sal ons jou altyd met liefde omvou.
Om 'n Noordjie te wees ............ is 'n fees!
Klap jou hande, stamp jou voete, en vang gees!
-Saré le Roux- Graad 7C

Vanuit die kantoor

Baie dankie aan al die ouers se teenwoordigheid by die beheerliggaam se verkiesing - dit het gehelp dat ons sonder probleme 'n kworum teenwoordig gehad het!

Die volgende persone sal vir die volgende 3 jaar op die beheerliggaam dien:

Pieter Borcherds - prinsipaal

Ami Viljoen - opvoeder

Gerhard Booysen - opvoeder

Retha Harding - nie KS opvoeder

Hildegard du Plessis - ouer

Johan Jacobs - ouer

Johan Nieuwenhuizen - ouer

Johan van der Merwe - ouer

Wentzel van der Merwe - ouer

Ons is baie trots op al ons sportspanne wat so goed presteer.  Ons 0.13A rugbyspan was weer soos verlede jaar onoorwonne by Marlow se toernooi waar 33 topspanne deelneem.  Die 0.13A netbalspan was wenners in hul ouderdomsgroep by die Paarl elite netbalkliniek waar oud Protea afrigter (Bennie Saayman) die hoofafrigter is.  By dieselfde kliniek was ons 0.12A span naaswenners.  By die SA atletiekkampioenskappe wen Anel Pienaar die 0.13 diskus en Noeline Rossouw eindig 2de in die 0.13 stapitem.  Johan du Plessis ontvang die trofee vir die grootste vis gevang tydens die nasionale kunsaashengelkampioenskappe.

Aan alle presteerders en diegene wat te alle tye hul beste lewer - ons is baie trots op jul almal!

Dankie aan elkeen wat 'n positiewe rol speel in die sukses van WNPS op akademiese-, kulturele- en sportgebied.

Dit bly 'n voorreg om met WNPS geassosieer te word.
Baie dankie aan al ons positiewe ouers, personeel en werkers wat van WNPS so 'n top instelling maak!

 

 - Pieter Borcherds

 2012-04-17

Hoof-leerderleiers

Baie geluk aan Jana van der Wath en Ewie Loubser wat as hoofleiers vir 2011 aangewys is.